Omambo wo tjihimba

 

Omambo wo tjihimba

1. “Kambihi kara mouzeu ndino, muhuka urire ombihi onene mozongweṋu”.                                  

{Toora ouzeu muhuka motoṋa tji muna ovakweṋu.}

2. “Otjimariva ka tji tara kotjivara”.

{Otjiṋa tji matjiyeta nda na unakiro kove kambura uriri nangrire okutja ma tjizu komunavita naove.}

3. “Kokure kaku vazewa omuhuka omunene”.

{Ondoṋeno kaina okuya eyuva ndi wautu oviungura.}

4. “Omahoze wo musiona kaye toto uriri”.

{Omundu ka pi ndike aha tjitirwe navi.}

5. “Okanyungu ku wai mbirahi okanahepero tji uhina yarwe”.

{Ngu watonda marire omunahepero tji uri mouzeu.}

6. “Oyepe okarora, okawira monḓonḓu”.

{Otupuku ngu mekuyama, oi komunavita.}

7. “Muatje kura utate”.

{Ouzeu mu ke umuna tji wekuru.}

8. “Petako romuti pu paza iho, oopetako rotjihenḓe pu paza nyoko”.

{Otupuka ousiona wa iho nayoko}

9. “Omuṱiṱi wa muna erunga”.

{Ozondunge kazena omunene porwe, puratena komuṱiṱi wina.}

10. “Nyoko ngwakuva, onguri nyoko”.

{Opataṋa nyoko, osuvere ina womukweṋu.}

11. “Ouye oure, posiya omwinyo omusupi”.

{Oungura oviṋa mbi mavi tokisa eyuva, oruveze karupo.}

12. “Muatje wandje, tara pu waza. Okaṱiṱi ku unako nga ke yenene kove. Nyoko tje hi natjo ina womukweṋu kenatjo wina”.

{Ouzeu mbu unao, omburi komukweṋu wina.}

13. “Omusiona ozohanya zeyuva zeke muvaza mokuti”.

(Tji uri otjingundi, uta rukuru omapenda yekuvaze mondjira.}

14. “Ouzeu wonḓikwa u tji ukwa omuvereke”.

{Ouzeu u tji ukwa i yomundu omuni}.

15. “Omuatje uri tjitisira pu ina”.

{Omundu auhe u zemburuka owe tjeri mouzeu}

Uerimanga Tjijombo

Omunandjiviro mo vyo uhimba.